Almaty oblysynda 77 jastaǵy áje soqqyǵa jyǵylyp, aýrýhanada kóz jumdy
TALDYQORǴAN. QazAqparat - Almaty oblysynda 77 jastaǵy áje soqqyǵa jyǵylyp, aýrýhanada kóz jumdy, - dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, soqqyǵa jyǵylǵan qarııa túrli dene jaraqattarymen shuǵyl túrde Jarkent qalasyndaǵy aýdandyq aýrýhanaǵa jetkizildi.
Tergeý barysynda anyqtalǵandaı, túnde egde jastaǵy áı̆eldiń úı̆ine belgisiz bireýdiń basyp kirip, ony soqqyǵa jyqqany anyqtaldy.
Jedel-izdestirý is-sharalarynyń nátıjesinde, kúdikti retinde Jarkent qalasynyń 46 jastaǵy turǵyny ustaldy. Kúdikti ýaqytsha ustaý oqshaýlaǵyshyna qamaqqa alyndy.
«Ókinishke oraı̆, soqqyǵa jyǵylǵan áje alynǵan dene jaraqattary saldarynan búgin kóz jumdy. Atalǵan derek QR QK 106-baby 3-bóligi boı̆ynsha tirkelip, tergeý amaldary júrgizilýde», - delingen Almaty oblystyq Polıtsııa departamenti baspasóz qyzmeti taratqan habarlamada.
