Almaty oblysynda 73,2 shaqyrym jol jóndeledi

TALDYQORǴAN. QazAqparat - Bıyl Almaty oblysynda respýblıkalyq mańyzy bar jalpy uzyndyǵy 73,2 shaqyrym avtojolda ortasha jóndeý jumystary 4 ýchaskede júrgiziledi, dep habarlaıdy QazAqparat.

Respýblıkalyq mańyzy bar R-19 «Almaty-Kóktal-Baıserke-Mejdýrechenskıı-Ekaterınbýrg-Almaty» avtojolynyń uzyndyǵy 29 shaqyrym jol ýchaskesinde jóndeý jumystary kestege sáıkes júrip jatyr. Búginde eski jabyndyny frezerleý, tegisteýshi qabatty tóseý, jolaqtardy salý, jol jıegin nyǵaıtý jáne belgi baǵanalaryn ornatý boıynsha jumystar júrgizildi.

Al, respýblıkalyq mańyzy bar A-3 «Almaty-Óskemen» avtojolynyń uzyndyǵy 18 shaqyrym ýchaskesinde jolshylar tas joldyń 76 myń sharshy metr jabynyn frezerlep, 15 myń jolda borttyq tastar ornatty. Atalmysh jumystar «Kókpek-Kegen-Túp» 68-74 km joldarynda da jasalýda.

Sondaı-aq, Almaty oblysyndaǵy A-5 «Aqsaı-Chýndja-Kóljat» kólikjolynyń 90-105 shaqyrymynda ortasha jóndeý jumystary úshin 800 t qara qıyrshyq tas daıyn.

«Almaty-Kókpek-Kóktal-Qorǵas» 137-154 km ýchaskesinde jolshylar sýyq resaıklıng ádisi boıynsha ortasha jóndeý jumystary atqarylýda.

Barlyq jóndeý jumystary ýaqtyly aıaqtalady dep josparlanýda.