Almaty oblysynda 7 jylǵa sottalǵan azamat kinásiz dep tanyldy
TALDYQORǴAN.QazAqparat - Búgin Taldyqorǵan qalasyndaǵy Almaty oblystyq sotynda Sergeı Zrıachevtiń apellıatsııalyq shaǵymy qaraldy. Protsess barysynda 7 jylǵa bas bostandyǵynan aıyrylǵan azamat kinásiz ekenin dáleldep, sot zalynda qamaýdan bosatyldy, dep habarlaıdy QazAqparat tilshisi.
Anyqtalǵandaı, Іle aýdandyq ІІB-niń qyzmetkerleri tarapynan arandatýshylyq faktisi oryn alǵan. Apellıatsııalyq sot protsesi barysynda, sottalýshyǵa qatysty arandatýshylyq is-áreketterge qatysqan kýálerdiń jaýaptary, jedel polıtsııa qyzmetkerleriniń nusqaýlyqtary boıynsha iske asyrǵany belgili boldy.
Osylaısha, sot alqasynyń anyqtaýy boıynsha jedel polıtsııa qyzmetkerleri jasandy arandatýshylyq arqyly sottalýshynyń esirtki zattaryn satýǵa jaǵdaı týǵyzǵan. Sondaı-aq, qylmystyq is qujattaryn burmalaǵan. Sot alqasynyń qaýlysymen birinshi satydaǵy sottyń úkimi qylmystyń quramy bolmaýyna baılanysty kúshi joıylyp, sottalýshy sot zalynda qamaýdan bosatylady.
Esterińizge sala keteıik, Іle aýdandyq soty Sergeı Zrıachevti QR QK 296 bapy 3-shi jáne 297 baptyń 3-shi bólikteri boıynsha (esirtkini zańsyz saqtaý jáne satý) kináli dep tanyp, 7 jylǵa bas bostandyǵynan aıyryp, múlkin tárkilegen. Al jazasyn qylmystyq-atqarý júıesiniń qaýipsizdik deńgeıi ortasha mekemede óteýge úkim shyǵarǵan bolatyn.
