Almaty oblysynda 7 jyl halyqaralyq izdeýde júrgen sheteldik ustaldy
TALDYQORǴAN. QazAqparat – Almaty oblysynda 7 jyl halyqaralyq izdeýde júrgen sheteldik azamat ustaldy. 56 jastaǵy azamatqa 2013 jyly Esik qalasynda bir adamdy pyshaqtady degen aıyp taǵylyp otyr, dep habarlaıdy QazAqparat tilshisi.
Almaty oblystyq polıtsııa departamenti baspasóz qyzmetiniń bergen málimetinshe, 2013 jyldyń shilde aıynda Esik qalasynyń aýrýhanasyna 1965 jyly týǵan jergilikti turǵyn pyshaq jaraqatymen túsken. Tártip saqshylary onyń qurylys nysandarynyń birindegi tóbeles kezinde jaralanǵanyn anyqtaǵan. Oqıǵa ornynan qashyp ketken kúdiktini naqtylaý barysynda onyń Ózbekstan eliniń azamaty ekeni belgili boldy. 1964 jylǵy azamat aldymen respýblıkalyq odan keıin halyqaralyq izdeýge berilgen. Kúdiktiniń belgileri barlyq polıtsııa bólimderi men kórshi memleketterge de jiberildi. Іs oblystyq polıtsııa departamentiniń qadaǵalaýynda bolyp, Eńbekshiqazaq aýdanynyń polıtseıleri osy ýaqyt boıy izdestirý sharalaryn toqtatpaǵan.
2 aqpan kúni izdeýde júrgen azamattyń Eńbekshiqazaq aýdanyndaǵy saıajaılarynyń birinde jasyrynyp júrgeni anyqtalyp, qolǵa túsirlgen deıdi, vedomstva ókilderi. Qazirgi tańda QR QK 106- baby, 1-bóligi adam densaýlyǵyna qasaqana zııan keltirý deregi boıynsha sotqa deıingi tergeý júrgizilip, kúdikti qamaýǵa alyndy.
