Almaty oblysynda 7 jastaǵy oqýshynyń denesi aryqtan tabyldy
TALDYQORǴAN. QazAqparat - Almaty oblysyna qarasty Syrymbet aýylynda 7 jastaǵy oqýshynyń óli denesi aryqtan tabyldy, dep habarlaıdy QazAqparat tilshisi.
Balanyń ákesiniń týǵan qaryndasy Sáýle Babaevanyń aıtýynsha, inisiniń óli denesin keshe keshkisin saǵat altylar shamasynda aryqtan taýyp alǵan. «Mektep pen úıdiń arasy óte jaqyn. Sabaqqa ketken balanyń óli denesin aryqtan keshki saǵat altylar shamasynda taýyp aldyq. Aryq sýǵa lyq toly. Balanyń denesi syrylǵan», - deıdi S. Babaeva.
Týystary ekinshi synypta oqıtyn Sanjar Eldáýletov jumbaq jaǵdaıda qaıtys boldy deıdi. Bala aryqqa túsip ketip, kóz jumýy múmkin degen boljamdaryn da aıtyp otyr.
Agenttik tilshisi habarlasqan quzyrly organ oqıǵany rastady, biraq pikir bildirýden bas tartty.
