Almaty oblysynda 7 jasar qyzdy urlaǵan kúdikti tergelip jatyr
TALDYQORǴAN.QazAqparat - Almaty oblysynyń Talǵar aýdanynda 7 jasar qyzdy urlaǵan kúdiktiniń ústinen zorlaý faktisi boıynsha tergeý bastaldy, dep habarlaıdy QazAqparat tilshisi.
«Joǵalyp ketken qyzdy tabý úshin jedel tergeý toby quryldy. Іzdestirý sharalary barysynda arada eki saǵattan keıin sol aýyldyń sharýashylyq úıjaılardyń biriniń jertólesinde joǵalǵan qyz tabylǵan. Sol jerde 1990 jylǵy kúdikti er adam ustaldy. Bul fakti boıynsha QR Qylmystyq kodeksiniń 120-baby 4-bóligi boıynsha tergeý amaldary júrgizilýde. Kúdikti qamaýǵa alyndy. Barlyq qajetti saraptamalar taǵaıyndaldy», - dedi Almaty oblystyq Polıtsııa departamenti baspasóz qyzmetiniń jetekshisi Aqbota Qýanyshbekqyzy.
Aıta keteıik, 7 naýryz kúni joǵalyp ketken kishkentaı qyz jertóleden tabylǵan.
