Almaty oblysynda 7 myńnan astam kontrafaktili alkogol ónimi tárkilendi
«Jambyl aýdany Uzynaǵash aýylynda «jalǵan» aktsızdik markalary jabystyrylǵan alkogol ónimderin satýmen aınalysqan azamattar anyqtaldy. Alǵashqy tergeý amaldary barysynda joǵaryda kórsetilgen mekenjaıdan kólemi 0,5 lıtrden 1 lıtrge deıingi jalpy sany 7 myńnan astam kontrafaktili alkogol ónimderi jáne quramynda etıl spırti bar 50 lıtr suıyqtyq tárkilendi. Bul alkogol ónimderi («Capital», «Kók Taý», «Qara-jorǵa», «Berezovaıa», «Qazaqstan» markasyndaǵy konıak jáne «Belaıa Loza», «Talas», «Agdam» sharaptary) araq-sharap shyǵaratyn arnaıy zaýytardyń ónimderine uqsastyrylyp daıyndalǵan. Keıin Almaty oblysy aýmaǵynda kóterme saýda retinde satylǵan», - dep málimdedi Almaty oblysy boıynsha Ekonomıkalyq tergeý departamentiniń baspasóz qyzmetinen.
Qazir atalǵan fakti boıynsha QR QK-niń 233-baby 2-bóligine sáıkes (ótkizý maqsatynda daıyndaý nemese satyp alý, sondaı-aq jalǵan aktsızdik markalardy jáne (nemese)esepke alý-baqylaý markalaryn paıdalaný nemese satý) is qozǵalyp sotqa deıingi tergeý amaldary júrgizilýde.