Almaty oblysynda 7 myńǵa jýyq jaıaý júrginshi jaýapqa tartyldy
TALDYQORǴAN. QazAqparat - Almaty oblysynda jyl basynan beri 7 myńǵa jýyq jaıaý júrginshi jaýapqa tartyldy. Sondaı-aq, olardyń kinásinen 105 jol-kólik oqıǵasy tirkelgen, dep habarlaıdy QazAqparat tilshisi.
Almaty oblysy aýmaǵynda tártip saqshylary zań buzǵysh jaıaý júrginshilermen kúresýdi bastap ketti. Óıtkeni kólik apattarynyń basym bóliginde jaıaý júrginshi basty sebepker.
Bıyl óńirde 105 kólik oqıǵasynda jaıaý júrginshiler kináli bolǵan. Sondaı-aq ártúrli ereje buzǵan 7 myńǵa jýyq azamat jaýapqa tartyldy. Al 2,5 myń kólik júrgizýshisine jaıaý júrginshige jol bermegeni úshin jaza qoldanyldy. Almaty oblystyq polıtsııa departamentiniń málimetinshe jaıaý júrginshini qaqqan 400 oqıǵa tirkelip, ol jerde 80 adam qaza tapqan. Sondyqtan oblys polıtseıleri bul baǵyttaǵy jumysyn kúsheıtip, reıdtik sharalardy jıi uıymdastyrmaq.
