Almaty oblysynda «7-20-25» baǵdarlamasy aıasynda 17 turǵyn úı salynýda
TALDYQORǴAN. QazAqparat - Bıyl Almaty oblysynda «7-20-25» baǵdarlamasy aıasynda jalpy aýmaǵy 35 myń sharshy metr bolatyn 17 turǵyn úı qoldanysqa berilmek. Buǵan oblystyq bıýdjetten 5,4 mlrd teńge bólingen, dep habarlaıdy QazAqparat tilshisi.
Jańa baǵdarlamamen baspanaǵa qalaı qol jetkizýge bolady jáne onyń talaptary qandaı? Bul jóninde oblystyq «Nur Otan» partııasynda ótken qoǵamdyq qabyldaýda aıtyldy. Jıynda bank ókilderi qala turǵyndaryna jańa jobanyń mańyzdylyǵyn jan-jaqty túsindirdi. Aıtýlarynsha, búgingi kúni óńirdegi ekinshi deńgeıli bankterge 472 mln teńgeniń 40 tan asa ótinishi kelip túsken. Onyń deni ońtaıly sheshimin tapqan. Alaıda, bul kórsetkish áli de bolsa tómen. Sondyqtan, oblys ákiminiń tapsyrmasyna sáıkes aqparattyq túsindirý toby qurylyp, jıi kezdesýler uıymdastyrylmaq.
«7-20-25» baǵdarlamasyn túsindirý jumystary júıeli túrde júrgizilip keledi. Eńbek ujymdarynda kóshpeli qoǵamdyq qabyldaý ótkizilip, azamattarǵa jan-jaqty aqparat berildi. Bul jumystar aldaǵy ýaqytta da toqtamaıdy. Partııa men bank ókilderi birlesip, úgit-nasıhat jumystaryn júrgize beremiz»,- dedi «Nur Otan» partııasy Almaty oblystyq fılıalynyń qoǵamdyq qabyldaý bóliminiń meńgerýshisi Amanjol Jazyqbaev.
Qazirgi tańda Almaty oblysy boıynsha «7-20-25» baǵdarlamasy negizinde Talǵar, Qarasaı, Іle, Panfılov aýdany men Qapshaǵaı jáne Taldyqorǵan qalasy aýmaǵynda turǵyn úı qurylysyna arnaıy jer telimderi bólindi. Bul jerlerde jalpy kólemi 3,5 mln sharshy metr turǵyn úı salý josparlanyp otyr.
Aıta ketý kerek, Taldyqorǵanda 2-3 bólmeli páterlerdiń ortasha quny 15-20 mln teńgeni quraıdy.
