Almaty oblysynda 623 adam koronavırýsqa baılanysty oqshaýlanǵan
TALDYQORǴAN. QazAqparat - Almaty oblysynda 623 adam koronavırýsqa baılanysty oqshaýlanǵan, dep habarlaıdy QazAqparat tilshisi.
Bul jóninde oblystyń sanıtar dárigeri Qaırat Baımuhambetov Taldyqorǵanda ótken brıfıng barysynda málim etti.
«Almaty oblysynda 623 adam koronavırýsqa baılanysty oqshaýlanǵan. 163-i statsıonarlyq, 460-i úı karantıninde», - dedi Qaırat Baımuhambetov.
Aıta keteıik, Almaty oblysynda koronavırýsty 8 adam juqtyrǵan (30 naýryzda saǵat 18:50-degi jaǵdaı boıynsha). Onyń ishinde bir naýqastyń aıaǵy aýyr.
Oblystyq densaýlyq saqtaý basqarmasynyń málimetine qaraǵanda, olardyń jaǵdaıy qanaǵattanarlyq dep baǵalanýda, qajetti em-sharalary jasalyp jatyr.
Al ınfektsııa juqtyrǵandarmen baılanysta bolǵandar anyqtalyp, karantınge alynǵan.
