Almaty oblysynda 611 balalar lageri jumysyn toqtatty
TALDYQORǴAN. QazAqparat - Almaty oblysynda menıngokokk ınfektsııasynyń taralýynyń aldyn alý úshin demalys lagerleri jumysyn toqtatyp, bastalý ýaqyttary shegerildi, dep habarlaıdy QazAqparat tilshisi.
Almaty oblystyq Qoǵamdyq densaýlyq saqtaý departamentiniń basshysy Erǵalı Sydymanovtyń aıtýynsha, mektep janyndaǵy 611 lager jumysy 18 maýsymǵa deıin toqtatyldy. Biraq óńirde 4 balalar lageri jumysyn jalǵastyryp jatyr. Sebebi bul demalys oryndaryna demalý aqysy tólenip, balalar ózge óńirlerden kelip qonystanyp qoıǵan. Qazirgi tańda bul jerlerde aldyn alý jumystary júrgizilip, baqylaý kúsheıtilgen.
Sondaı-aq oblys aýmaǵynda Ulttyq biryńǵaı testileý kezinde de aldyn alý sharalary pysyqtalyp, synaqtardyń kedergisiz ótýine qolaıly jaǵdaı jasalatyn bolady. Dárigerler, Qoǵamdyq densaýlyq saqtaý departamentiniń mamandary, jergilikti ákimdik ókilderi kezekshilik uıymdastyryp, qadaǵalaý júrgizedi. Sondaı-aq vedomstvo basshysy UBT kezinde ata-analar men túlekterge medıtsınalyq maska taǵyp alýǵa keńes berdi.
Aıta keteıik, jyl basynan Almaty oblysynda menıngıtten 4 adam kóz jumdy.
