Almaty oblysynda 600 turmysy tómen jáne kópbalaly otbasy baspanaly bolady

TALDYQORǴAN. QazAqparat - Almaty oblysynyń ákimi Amandyq Batalovtyń qatysýymen oblystyq máslıhattyń kezekti sessııasy ótti. Onda óńirdiń 2019-2021 jyldarǵa arnalǵan oblystyq bıýdjetine ózgerister engizý máselesi qaraldy, dep habarlaıdy QazAqparat tilshisi.

Óńir basshysy bıylǵy jyldyń ózinde az qamtylǵan jáne kópbalaly 600-den astam otbasyny baspanamen qamtý jospary baryn aıtty.

Ózgeristerge sáıkes, basymdyq tótenshe jaǵdaılardyń aldyn alý, bilim, densaýlyq, áleýmettik kómek, turǵyn úı-kommýnaldyq sharýashylyǵy, kólik jáne kommýnıkatsııa sııaqty salalarǵa beriledi. Ásirese, áleýmettik salaǵa baǵyttalǵan sharalardy erekshe atap ótýge bolady.

Atap aıtqanda, qomaqty qarjy az qamtylǵan jáne kópbalaly otbasylar, múmkindigi shekteýli tulǵalar, jalǵyzilikti zeınetkerler úshin qajetti kómekterdy kórsetýge baǵyttalmaq.