Almaty oblysynda 60 gektar jerge jylyjaı kesheni salynady (FOTO)

TALDYQORǴAN. QazAqparat - Almaty oblysynda Aýyl sharýashylyǵy klasterin qurý baǵdarlamasy sheńberinde Іle aýdanynda 60 gektar jerge óndiristik jylyjaı kesheni salynatyn bolady. Bul týraly oblys ákimi Amandyq Batalovtyń reseılik iri agroónerkásiptik holdıng «EKO-kýltýra» jáne otandyq «Green Land Alatau» JShS ókilderimen kezdesýi barysynda aıtyldy.

«Almaty qalasynda ótken kezdesý barysynda Almaty oblysy ákimdigi men «Jetisý» áleýmettik kásipkerlik korporatsııasy» UK» AQ, «EKO-kýltýra» agroónerkásiptik holdıngi, «Green Land Alatau» seriktestigi arasynda memorandýmǵa qol qoıyldy», dep habarlaıdy oblys ákimdiginiń baspasóz qyzmeti. Jylyjaı qurylysynyń jobasy Memleket basshysynyń ımport almasýdy damytý jáne azyq-túlik qaýipsizdigi baǵdarlamasyn júzege asyrý sheńberinde júrgizilýde.

Óndiristik jylyjaı - Qazaqstandaǵy jabyq topyraqta kókónis ósirýge baǵyttalǵan iri aýyl sharýashylyǵy jobasy. Jobaǵa salynatyn ınvestıtsııanyń jalpy somasy 75 mlrd teńge kóleminde. Jobanyń júzege asyrylý ýaqyty: 2016 - 2022 jyldar.

Jobany birneshe kezeńmen iske qosý kózdelip otyr. Birinshi kezeńde aýmaǵy 20 ga, óndiristik qýaty jylyna 15 myń tonna qyzanaq óndiretin óndiristik jylyjaı salynyp, 260 jumys orny ashylmaq. Jylyjaıdyń birinshi kezeńi qurylysynyń quny 25 mlrd teńge. Ony iske qosý ýaqyty 2017 jyldyń 3 toqsanyna josparlanǵan.

Joba Almaty oblystyq ákimdigi men «Jetisý» áleýmettik-kásipkerlik korporatsııasy» UK» AQ-nyń qoldaýymen júzege asýda. Bul reseılik «EKO-kýltýra» agroónerkásiptik holdıngi men qazaqstandyq «Green Land Alatau» JShS-nyń birlesken alǵashqy jobasy bolyp otyr.