Almaty oblysynda 60 adam kólikti mas kúıinde júrgizgen
TALDYQORǴAN. QazAqparat - Almaty oblysynda «Qaýipsiz jol» arnaıy sharasynyń bes kúninde 570 jaıaý júrginshige aıyppul salyndy. Aktsııa óńirde jol kólik oqıǵalarynyń sanyn tómendetip, aldyn alýǵa baǵyttalǵan, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, sońǵy bes kúnde oblys aýmaǵynda jolda júrý erejesine qatysty 4254 ákimshilik quqyqbuzýshylyq anyqtaldy.
Joldy belgilengen jerde ótpeı, qaýipti jaǵdaı týǵyzǵan 570 azamatqa aıyppul salyndy. Al jyl basynan kólikter zýlaǵan kósheni kesip ótpek bolǵan 5 adamdy avtomobıl qaǵyp, olardyń úsheýi oqıǵa ornynda kóz jumdy.
Tártip saqshylarynyń aıtýynsha, kóp jaǵdaıda jaıaý júrginshiler joldy mas kúıinde kesip ótpek bolady.
QR ÁQBK 440 babyna sáıkes qoǵamdyq oryndarda mas kúıinde júrgen 378 azamatqa ákimshilik hattama toltyryldy. Sondaı-aq jedel shara barysynda jyldamdyqty asyrǵan 401 kólik júrgizýshi jaýapqa tartyldy. 5 kúnde kólikti alkogoldik ishimdik iship alyp, ne bolmasa esirtki paıdalanyp júrgizgen 60 júrgizýshi anyqtaldy.
