Almaty oblysynda 6 jastaǵy bala baýyryn abaısyzda atyp aldy
TALDYQORǴAN.QazAqparat - Almaty oblysynda 6 jastaǵy bala 2 jastaǵy baýyryn atyp aldy. Oqıǵa Jambyl aýdanyndaǵy Myńbaev aýylynda bolǵan, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, oqıǵa abaısyzda bolǵan. 6 jastaǵy ul bala oınap otyryp ańshy myltyǵymen baýyryn atyp jibergen.
Al oq 2 jastaǵy balanyń qolyna tıgen. Abyroı bolǵanda bala aman. Balalardyń otbasy Almaty qalasynda turady. Olar ata-anasymen Myńbaev aýylyna qonaqqa barǵan. Al úıdiń ıesi myltyqty taýyp aldym dep aqtalypty.
«Tekserý barysynda polıtseıler atystyń tirkelmegen qarýdan jasalǵany anyqtady. Úı ıesi ol qarýdy aýyldyń shet jaǵynan taýyp alǵanyn málimdedi. Qazirgi ýaqatta onyń bergen túsinigi tekserilýde. QR QK 114-baby 3-tarmaǵy ıaǵnı, densaýlyqqa abaısyzda zııan keltirý boıynsha tergeý jalǵasýda. Qarý qazir tárkilenip, tıisti saraptamalar taǵaıyndaldy», - dedi ІІD baspasóz qyzmeti.
Baspasóz qyzmetindegilerdiń aıtýynsha, bul oqıǵa jaıly olar Almatydaǵy áriptesterinen bilgen. Qolynan jaraqat alǵan balany ata-anasy Almatydaǵy aýrýhanaǵa jetkizip, oqıǵanynyń mán-jaıyn tolyqtaı málimdep bergen.
Aıta ketý kerek, jalpy bıyl Almaty oblysynda 776 atys qarýy tárkilengen. Onyń 600-ge jýyǵyn jergilikti turǵyndar erikti túrde tapsyrdy.
