Almaty oblysynda 6 myń ga jýyq jerdiń nysanaly maqsaty zańsyz ózgertilgen

QONAEV. QazAqparat – Almaty oblysynda 6 myń gektarǵa jýyq jerdiń nysanaly maqsaty zańsyz ózgertilgen. Bul týraly oblys ákiminiń tóraǵalyǵymen ótken Sybaılas jemqorlyqqa qarsy is-qımyl máseleleri jónindegi vedomstvoaralyq komıssııanyń otyrysynda belgili boldy, dep habarlaıdy QazAqparat tilshisi.

Otyrys jumysyna óńirge jumys sapary aıasynda Sybaılas jemqorlyqqa qarsy is-qımyl agenttigi preventsııa qyzmetiniń basshysy Saıan Ahmetjanov qatysty. Ol atap ótkendeı, jer qatynastary salasyndaǵy sybaılas jemqorlyqqa qarsy is-qımyl jónindegi jumystyń jaı-kúıin zerdeleý júıeli sheshýdi talap etetin eleýli problemalardyń bar ekendigin kórsetedi. Máselen, Almaty oblysynyń jer qatynastary salasynda jer ýchaskeleriniń jetispeýshiligi, jer ýchaskeleriniń nysanaly maqsatynyń ózgerý táýekelderi, zańnamada belgilengen 10 sotyq jerdi alý múmkindiginiń bolmaýy, jer ýchaskelerin bólý rásimi ashyqtyǵynyń jetkiliksizdigi, sondaı-aq jaıylymdyq alańdardyń bolmaýy belgilengen.

Almaty oblysynyń tórt aýdanynda oblys ákimdigimen birlesip 5 578 ga jerdiń nysanaly maqsatyn zańsyz ózgertý faktileri anyqtaldy. Olar keıinnen Jer kodeksiniń talaptaryn buza otyryp, jeke qosalqy sharýashylyq pen jeke turǵyn úı qurylysy úshin 56 026 ýchaskege bólingen.

Іs-shara sońynda oblys ákimi apparatqa jáne basqarmalar basshylaryna hattamalyq nusqaýlar berdi. Sondaı-aq, óńir basshysy qatysýshylarǵa jer máselesi jeke baqylaýda ekenin eske saldy.