Almaty oblysynda 6 aılyq sábı koronavırýs juqtyrdy
TALDYQORǴAN. QazAqparat - Búgin Almaty oblysynda 24 adamnyń koronavırýs juqtyrǵany anyqtaldy. Olar - Kegen, Іle, Eskeldi aýdandary men Taldyqorǵan qalasynyń turǵyndary. Naýqastardyń eń úlkeni - 76 jastaǵy zeınetker bolsa, eń kishisi - 6 aılyq sábı, - dep habarlaıdy QazAqparat tilshisi.
Almaty oblysy ákiminiń baspasóz qyzmetiniń málimetinshe, naýqastar medıtsınalyq komıssııadan ótý , medıtsınalyq kómekke júginý jáne buryn aýyrǵandarmen baılanysta bolǵan azamat retinde tekserilý kezinde anyqtalǵan.
Qazir indet juqtyrǵandar Taldyqorǵandaǵy áskerı gospıtaldiń, Qarasaı aýdandyq aýrýhanasynyń, Shelektegi aýdandyq aýrýhananyń ınfektsııa bólimderine jatqyzyldy.
Olarmen 143 adamnyń baılanysta bolǵany belgili boldy. Barlyǵy oqshaýlanyp, epıdemıologııalyq tekserý júrgizilip jatyr.
21 mamyrdaǵy jaǵdaı boıynsha Almaty oblysynda KVI ınfektsııasymen tirkelgender sany 262-ge jetti.
