Almaty oblysynda 57 jastaǵy áıel týǵan anasyn óltirdi degen kúdikpen ustaldy
TALDYQORǴAN.QazAqparat - Almaty oblysynda 57 jastaǵy áıel týǵan anasyn óltirdi degen kúdikpen ustaldy. Jábirlenýshiniń máıiti jertóleden tabylǵan, - dep habarlaıdy QazAqparat tilshisi.
Almaty oblystyq polıtsııa departamentin baspasóz qyzmetiniń málimetinshe, qandy oqıǵa Іle aýdanynda bolǵan.
«Іle aýdandyq polıtsııa basqarmasyna 77 jastaǵy áıeldiń joldasy habarlasyp, jarynyń múrdesi ýaqytsha salynǵan úıdiń jertólesinen tabylǵanyn jetkizgen. Atalǵan fakti QR QK 99 baby 1 bóligi ıaǵnı, «Adam óltirý» boıynsha tirkelip, tártip saqshylary oqıǵa ornyna barǵan.
Anyqtalǵandaı, qart ana úıde joldasymen birge turǵan. Al ýaqytsha salynǵan úıde onyń 57 jastaǵy qyzy turǵan. Múrde tabylǵan sátte qaıtys bolǵan áıeldiń qyzy mas bolǵan. Ol saýyqtyrý ornyna jetkizilip, esin jınaǵan soń anasyn óltirgenin, denesin jertólege jasyrǵanyn moıyndaǵan. Kúdikti sotqa deıingi tergeý barysynda qamaýǵa alyndy», - dep málimdedi atalǵan vedomstvonyń baspasóz qyzmetinen.
