Almaty oblysynda 57 oqýshydan koronavırýs anyqtaldy

TALDYQORǴAN. QazAqparat - Sońǵy táýlikte Almaty oblysynda 240 adam koronavırýs juqtyrǵan. Onyń 57-si oqýshy, dep habarlaıdy QazAqparat tilshisi.

«Sońǵy táýlikte 240 KVI jaǵdaıy tirkeldi. Ósý qarqyny – 0,5%, onyń ishinde 190 sımptomdy jáne 50 sımptomsyz. KVI anyqtalǵan 240 jaǵdaıdyń 57-si- oqýshylar arasynda anyqtalǵan. Al stýdentter arasynda 11 jaǵdaı tirkeldi»,- delingen Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.

Jalpy 15 qyrkúıektegi jaǵdaı boıynsha oblysta KVI zerthanalyq rastalǵan 47 540 jaǵdaı tirkelgen. Onyń ishinde 34 250 adamda koronavırýs belgileri bar. Oblys boıynsha KVI ósý qarqyny sońǵy 2 aptada 0,7% - dan 0,6% - ǵa deıin tómendedi. «Oblys óńirleri arasynda KVI syrqattanýshylyǵy: Balqash-3, Eńbekshiqazaq-36, Eskeldi–11, Jambyl–23, Іle-31, Qarasaı-8, Qaratal-5, Kegen-2, Kerbulaq-2, Kóksý-10, Raıymbek–1, Panfılov-8, Sarqan–4, Talǵar–21, Uıǵyr–11, Taldyqorǵan-54, Tekeli-6, Qapshaǵaı qalasy 4 adamnan indet anyqtaldy», - dep tolyqtyrdy vedomstvonyń baspasóz qyzmeti.