Almaty oblysynda 56 jastaǵy áıeldi zorlady degen kúdikpen er adam ustaldy
ALMATY. QazAqparat - Almaty oblysynda Báıterek aýylynyń 56 jastaǵy turǵynyn zorlady degen kúdikpen er adam ustaldy.
Óńirlik ІІD baspasóz qyzmetinen habarlaǵandaı, 31 jastaǵy er adam jedel-izdestirý sharalary kezinde ustaldy. Kúdikti ýaqytsha ustaý oqshaýlaǵyshyna qamaldy. Eńbekshi qazaq aýdandyq ІІB qyzmetkerleri QR QK 120 baby 2 bólimine «Zorlaý» áreketi boıynsha tergeý amaldaryn júrgizip jatyr.
Osyǵan deıin áıeldi Esik qalasyndaǵy aýrýhanadan shyǵarǵany týraly habarlaǵan. Týystary onyń jaǵdaıy aýyr ekenin aıtýda.
Eske sala keteıik, zorlanǵan áıel týraly onyń uly aıtqan. Ol «Zorlyqqa qarsy #NeMolchı ulttyq qozǵalysynyń» kómegine júgindi. Onyń sózine qaraǵanda, Almaty oblysy Eńbekshi qazaq aýdany Báıterek aýylyndaǵy úıinde áıeldi soqqyǵa salǵan.
