Almaty oblysynda 56 jastaǵy áıeldi soqqyǵa jyǵyp ketti
ALMATY. QazAqparat - Almaty oblysynda 56 jastaǵy áıeldi soqqyǵa jyǵyp ketti. Bul týraly Feısbýk áleýmettik jelisindegi «Seksýaldy zorlyq-zombylyqqa qarsy ulttyq qozǵalys#NeMolchı» qaýymdastyǵyna uly habarlady.
Onyń aıtýynsha, anasy Almaty oblysy Eńbekshiqazaq aýdany, Báıterek aýylyndaǵy óz úıinde soqqyǵa jyǵylyp, zorlanǵan. Qazir japa shegýshi Esik qalasyndaǵy aýrýhanada jatyr.
«Onyń jaǵdaıy óte aýyr. Basyna tıgen soqqydan kózi zaqymdanǵan, soqqynyń aýyrlyǵynan aqyl-esin joǵaltqany baıqalady. Onyń kóz janaryna ota qajet. Denesi kógergen», delingen qaýymdastyqtaǵy habarlamada.
Almaty oblysy ІІD atalǵan bul qatysty málimdeme jasady.
«Atalǵan qylmystyq is boıynsha, sotqa deıingi tergeý amaldary bastaldy. Zorlaý faktisi boıynsha QR QK 120 babynyń 2 bólimi boıynsha qylmystyq is qozǵaldy. Kúdikti anyqtaldy. Qazir ony qamaýǵa qatysty is sharalar júzege asyp jatyr», dep habarlady vedomstvo baspasóz qyzmetinen.
