Almaty oblysynda 55 jastaǵy áıel kúıeýin oqtaýmen uryp óltirdi
TALDYQORǴAN. QazAqparat – Almaty oblysynda azamattyq nekedegi kúıeýin oqtaýmen uryp óltirdi degen kúdikpen 55 jastaǵy áıel ustaldy, dep habarlaıdy QazAqparat.
Oqıǵa Kerbulaq aýdanynda bolǵan. Saryózek aýylynyń turǵyny polıtsııaǵa habarlasyp, kúıeýiniń jan tapsyrǵanyn aıtqan. Oqıǵa ornyna jetken polıtseıler 1952 jyly týǵan erkektiń denesinde kógergen-isingen qandy jaraqattar baryn anyqtady. Tártip saqshylary qylmys bolǵan úıden kisi óltirý úshin qoldanylýy múmkin oqtaýdy tapty.
«Úı ıesi Kerbulaq aýdanynyń polıtsııa bólimine jetkizildi. Ol otbasylyq janjal kezinde ishimdik iship, masaıyp alǵan kúıeýin qolmen jáne oqtaýmen sabaǵanyn aıtty. Qazir 55 jastaǵy áıel qamaýǵa alynǵan. QR QK 99-babymen qylmystyq is qozǵaldy», - dep málim etti Almaty oblystyq PD baspasóz qyzmeti.
Qylmystyq isti Kerbulaq aýdanynyń polıtseıleri tergep jatyr.
