Almaty oblysynda 54 úsh aýysymdy mektep bar
«Mektepterdegi úsh aýysymdy oqytý máselesi ishki kóshi-qonǵa jáne bala týý kórsetkishiniń joǵary bolýyna baılanysty áli de ózekti bolyp otyr. Qazirgi ýaqytta oblysta 54 úsh aýysymdy, 143 beıimdelgen mektep bar. Jańa tıptik mektepter salý úshin qomaqty qarajat qajet»,-, delingen vedomstvonyń habarlamasynda.
Baspasóz qyzmetiniń aqparatyna sáıkes, bul problemalardy sheshý úshin jalpy sıpattaǵy transfertter sheńberinde qarjylandyrý jetkiliksiz. Pedagogtar úshin normatıvtik oqý júktemesiniń tómendetilýine baılanysty muǵalimderdiń jalaqysyn arttyrý respýblıkalyq bıýdjetten qosymsha qarjy qarastyrýdy qajet etedi.
«Sondaı-aq 2021 jyly Nátıjeli jumyspen qamtý jáne jappaı kásipkerlikti damytýdyń «Eńbek» baǵdarlamasynyń aıaqtalýyna baılanysty qarajattyń aıtarlyqtaı qysqarýy jumyssyzdyqtyń kóbeıý qaýpin týǵyzady. Sondyqtan bul máselelerdi sheshýde Úkimettiń qoldaýy qajet«,- delingen vedomstvonyń aqparatynda.
