Almaty oblysynda 52 júkti áıel koronavırýs ınfektsııasyn juqtyrǵan
TALDYQORǴAN. QazAqparat - Almaty oblysynda 52 júkti áıel koronavırýs juqtyrǵan. Qazir olar barlyq qajetti em-domyn qabyldap jatyr, dep habarlaıdy QazAqparat tilshisi.
Sońǵy táýlikte Almaty oblysynda 104 adamnan indet anyqtalǵan. Onyń 20-sy sımptomsyz.
Ásirese qyzyl aımaqqa engen Almaty qalasymen kórshiles jatqan aýdandarda jaǵdaı turaqty emes.
Óńir basshylary aldaǵy aptada karantındik sharalardy kúsheıtip, jańa qaýly daıyndaýǵa kirspek.
«Demalys kúnderi qoǵamdyq tamaqtaný oryndary men saýda-sattyq jáne oıyn-saýyq orydarynyń jumysyna shekteý engiziledi», - deıdi oblystyq sanıtarlyq baqylaý departamenti basshysynyń orynbasary Ashat Sharapıev.
Sondaı-aq onyń aıtýynsha tórtinshi toqsanda 1-5 synyp oqýshylaryna kezekshi synyptardy ǵana qaldyryp, onlaın oqytý josparlanǵan.
Almaty oblysy ákiminiń orynbasary Batyrjan Baıjumanovtyń málimetinshe óńirde jyl basynan beri karantın talabyn saqtamaǵan 600-ge jýyq jaǵdaı tirkelip, 38 mln teńgeniń aıyppuly salynǵan.
