Almaty oblysynda 52 myńǵa jýyq adam baspana kezeginde tur
TALDYQORǴAN.QazAqparat - Almaty oblysynda baspana kezeginde 51 800 adam tur. Al jer alýǵa 154 200 adam ótinish bergen. Bul jóninde Almaty oblysynyń ákimi Amandyq Batalov Qoǵamdyq keńes ókilderi aldyndaǵy esebinde aıtty, dep habarlaıdy QazAqparat tilshisi.
«Ótken jyly 2395 otbasy baspanamen qamtyldy. Onyń 1258-i kópbalaly jáne turmys jaǵdaıy tómen januıa. Olardyń ishinde 180 otbasy metsenattardyń qoldaýymen úıli boldy. Bıyl 1 mln sharshy metr turǵyn úıdi paıdalanýǵa berýdi josparlap otyrmyz. Onyń ishinde 191 myń sharshy metr baspana «Nurly jer» baǵdarlamasy boıynsha qolǵa alynady. Sondaı-aq, 1390 páterlik 37 kommertsııalyq úı salynady. 3731 otbasy baspanaly bolady», - dedi Amandyq Batalov.
Bıyl 3731 otbasy baspanaly bolatynyn málim etken óńir basshysy, onyń ishinde 1906 adam «Baqytty otbasy», «7-20-25», «Shańyrak» baǵdarlamalary arqyly jańa úı alatynyn atap ótti.
«Baspana kezeginde turǵan halyqtyń sany kóp bolǵandyqtan qurylys qarqynyn údetý kerek», - dedi Almaty oblysynyń ákimi.
