Almaty oblysynda 52 mekeme jumysshylardyń jalaqysyn keshiktirgen
Biraq óńirdegi eńbek ınspektsııasynyń qyzmetkerleri jalaqyny 100 paıyz óndirdik dep otyr. Bul týraly búgin oblys ákiminiń birinshi orynbasary Lázzat Turlashovtyń tóraǵalyǵymen ótken úshjaqty komıssııa otyrysynda aıtyldy. Jıynǵa Atameken UKP, oblystyq eńbek ınspektsııasy men jumyspen qamtý ortalyǵynyń mamandary qatysty. Onda saladaǵy ózekti máseleler talqylandy. Mysaly, bıyl óńirde memlekettik baǵdarlamamen bıznes ashýǵa 80 mln teńge bólingen. Biraq, osy kúnge deıin onyń tek jartysy ǵana ıgerilgen. Budan bólek, kásibı daıarlaý kýrsynan ótken azamattar bıýdjet qarjysy esebinen ekinshi márte kelip oqyǵan. Osyndaı olqylyqtardyń aldyn alý maqsatynda Lázzat Mahatuly úsh tarap arasyndaǵy baılanysty nyǵaıtýdy tapsyrdy. Jáne ol úshin arnaıy jol kartasyn daıyndaý qajettigin alǵa tartty.
«Jumyssyzdyqpen kúresýimiz kerek. Biraq memlekettik baǵdarlamalardy utymdy paıdalanýdy qadaǵalaý qajet. Budan bólek, jumysshylardyń jalaqysyn tóleı almaǵan kásiporyndar Atameken, jumyspen qamtý ortalyǵy nemese eńbek ınspektsııasymen baılanysýlaryńyzdy suraımyz. Qysqartyp nemese jumystan shyǵaratyn bolsańyzdar, 3 aı buryn eskertý kerek. Sonda ǵana biz bir amalyn taýyp, turǵyndardy jumysqa ornalastyrý jaǵyn qarastyramyz. Qazir naryq zamany», - dedi Almaty oblysy ákiminiń birinshi orynbasary Lázzat Mahatuly.
Sondaı-aq, jıynda Almaty oblysyndaǵy 13 kásiporynda 2000-nan asa adam eńbek shartynsyz jumys istep kelgeni jóninde aıtyldy. Qazir osy másele boıynsha mekeme basshylaryna eskertý jasalyp, tıisti sharalar qoldanylǵan eken.
