Almaty oblysynda 500 myńnan astam gektar jerdiń paıdalanylmaı otyrǵany anyqtaldy

QONAEV. QazAqparat- Almaty oblysynda 514 myń gektar aýyl sharýashylyǵy jeriniń paıdalanylmaı otyrǵany anyqtaldy, dep habarlaıdy QazAqparat tilshisi.

Almaty oblysy ákimdiginiń málimetinshe, paıdalanylmaı otyrǵan aýyl sharýashylyǵy nysandaryn aýdandar men Qonaev qalasynyń jergilikti atqarýshy organdary anyqtaǵan.

Aýdandyq jáne qalalyq sottarǵa 109 myń gektar jerdi memleket menshigine qaıtarý týraly 198 talap-aryz joldandy. Qazirgi ýaqytta sottardyń sheshimderimen jalpy aýdany 30 myń gektar jer ýchaskeleri boıynsha 44 talap-aryz qanaǵattandyryldy.

Oblystyń jer resýrstaryn basqarý departamenti 50 myń gektar aýmaqtyq 248 sýbektige uıǵarym berdi.

«Erikti negizde 38 myń ga jer memlekettik menshikke qaıtaryldy. Jalpy aýdany 83 myń ga jer ýchaskeleri boıynsha 186 sýbektini paıdalanýǵa kiristi. Aýdany 3 myń ga 5 jer ýchaskesi ıesiz múlik retinde esepke qoıyldy. Qalǵan jer ýchaskeleri boıynsha tıisti sharalar qabyldaý úshin materıaldar jınaý jumystary júrgizilýde»,- dep habarlady Almaty oblysy ákimdiginen.