Almaty oblysynda 500-den asa kásipker onlaın qyzmet túrin paıdalandy
Kásipker býhgalterlik jáne esep, aqparattyq tehnologııalar, quqyqtyq, kedendik rásimdeý, qoldaý sharalary boıynsha aqparat, kásipkerlerdiń ótinishterin súıemeldeý, marketıng, memlekettik-jekemenshik áriptestik, memlekettik satyp alý syndy jalpy sany 69 qyzmet túrine tapsyrys berip, paıdalana alady. Júıe elimizdegi tsıfrlandyrýdyń júrgizilýine oraı jáne qyzmet kórsetý rásimderin jeńildetýge baǵyttalǵan.
«Býhgalterlik jáne marketıng máseleleri boıynsha qyzmetter kásipkerler arasynda suranysy joǵary qyzmet túrlerine jatady. Onlaın qyzmetterin kóbine Taldyqorǵan jáne Qapshaǵaı qalasynyń kásipkerleri belsendi túrde qoldanady. Sonymen birge, Atameken Services arqyly kásipkerlik negizderine oqytý kýrstaryna da jazylýǵa bolady», - deıdi Óńirlik kásipkerler palatasynyń kásipkerlikti qarjylyq emes qoldaý bóliminiń basshysy Erlan Datqaev.
Palata ókiliniń aıtýynsha, ǵalamtorǵa qosylýǵa múmkindigi joq azamattar úshin Kásipkerlerge qyzmet kórsetý ortalyqtary men Kásipkerlikti qoldaý ortalyqtarynda Ózine-ózi qyzmet kórsetý aımaǵy ashylǵan. Kásipker úshin qandaı da bir suraq nemese qıyndyq týyndaǵan jaǵdaıda menedjer-keńesshiler kómektesedi. Júıeniń tıimdiligin kásipkerler de atap ótýde.
Sheńgeldi aýylynyń kásipkeri Ǵabıt Jylqybaev - Atameken Services qyzmetin paıdalanýshylardyń biri. Osyǵan deıin Qapshaǵaı qalasyndaǵy Kásipkerlerge qyzmet kórsetý ortalyǵyna kelip júrse, qazirgi tańda qalaǵa barýdyń qajettiligi joq ekenin aıtady.
«Jyl óte kele qyzmet túrlerin qoldaný qolaıly jáne qoljetimdi bola túsýde. Burynǵydaı kezek joq. Keńesterdi onlaın jáne oflaın túrde alýǵa bolady. Portalǵa tirkelip, bıznes-jospar ázirleýge tapsyrys berdim. Biraz ýaqyttan keıin qujatym daıyn boldy», - deıdi kásipker.
Ǵabıt Jylqybaevtyń bıznes-jospary 18 mln teńgege qarjylandyryldy. Bul qarajatqa ol Sheńgeldi aýylynda salǵan kafesine jabdyqtar satyp aldy.