Almaty oblysynda 5 kúnde 200 tonna qant óndirildi
TALDYQORǴAN. QazAqparat - Almaty oblysyndaǵy Kóksý qant zaýytynda 5 kúnde 200 tonna qant óndirildi. Qyzylsha óńdeý maýsymynyń sátti bastalýymen zaýyt quryltaıshylaryn, jumysshylaryn, sharýalardy oblys ákimi Amandyq Batalov quttyqtap, zaýytqa arnaıy bardy, dep habarlaıdy QazAqparat Almaty oblysy ákiminiń baspasóz qyzmetine silteme jasap.
Kóksý zaýytyna barǵan Amandyq Batalov ınvestorlar júrgizgen kásiporynnyń ekinshi jańǵyrtý kezeńiniń nátıjelerimen tanysty. Ekinshi jańǵyrtý kezeńiniń qorytyndylary týraly zaýyt dırektory Altynbek Abatov málim etti.
A. Abatovtyń aıtýynsha, zaýytqa germanııalyq, shvedtik, ýkraındyq jańa qural-jabdyqtar ornatylǵan. Tsentrıfýgalar, vakýýmdyq apparattar, bý stansalary aýystyrylyp, tastan tazalaýshy qurylǵy qoıylǵan. Tehnologııalyq protsester tolyǵymen avtomattandyryldy. Sonyń nátıjesinde ótken jyly zaýyttyń óndiristik qýaty táýligine shamamen 1600 tonnany qurasa, bıylǵy jyly táýligine 2000-2200 tonnaǵa jetti. Sondaı-aq mazýt tutyný mólsheri 40 %-ǵa azaıdy. Oblys ákimi qyzylsha jınaý alańyna da jańa qurylǵylar ornatylǵanyn kórdi. Sońǵy 3 jylda ınvestorlar zaýytty jańǵyrtý jumystaryna 3,5 mlrd. teńge jumsaǵan. A. Abatovtyń sózinshe, bıylǵy maýsymda qant qyzylshasyn qabyldaýdy zaýyt 20 qyrkúıekte bastaǵan. Al 5 qazanda maýsymnyń alǵashqy qanty óndirildi. Qazirgi kezde 44 myń tonna qant qyzylshasy qabyldandy. Jalpy zaýyt 200-220 myń tonna qabyldaýdy josparlap otyr.
Jalpy Almaty oblysynyń qantqa degen qajettiligi jylyna 37 myń tonnany quraıdy. Bıylǵy jyly bul qajettilikti tolyqtaı jabýǵa múmkindik bar: Kóksý qant zaýyty 20 myń tonna qant shyǵarsa, Aqsý qant zaýyty 10 myń tonna óndirýdi josparlap otyr. Munan keıingi kezeńde Aqsý qant zaýyty tolyq qýatyna shyqqanda maýsymyna 300 myń tonna shıkizat óndire alady. Al Kóksý qant zaýyty 250 myń tonna, odan ári 300 myń tonna jobalyq qýatyna shyǵýǵa múmkindigi bar. Máselen, ótken jyly 560 sharýa qojalyǵy qyzylsha ósirýmen aınalyssa, bıylǵy jyly olardyń sany 780-ge jetken.
