Almaty oblysynda 48 úsh aýysymdy mektep bar
TALDYQORǴAN. QazAqparat - Almaty oblysynda 48 úsh aýysymdy mektep bar. Bıyl 37-siniń máselesi sheshiledi. Al 2018 jyly mundaı bilim shańyraqtarynyń sanyn tolyqtaı joıý josparlanýda, dep habarlaıdy QazAqparat tilshisi.
Sondaı aq bıyl óńirde 80 mektepke deıingi mekeshe ashylady. 6 myń bala qamtylady dep kútilýde. Búgin bul jóninde oblys ákimine óńirdegi bilim basqarmasynyń basshysy Lázzat Bazarqulova baıandady. Onyń sózinshe, atalǵan salada atqarylatyn jumys óte aýqymdy. Kadrlardyń biliktiligin arttyrý, bilim sapasyn jaqsartý, kadr tapshylyǵyn sheshý syndy máseleler bar.
Qazir oblysta 2400 jýyq aǵylshyn pániniń muǵalimderi bar. Olardy arnaıy testileýden ótkizip, bilim deńgeıin anyqtaý jumysy alǵa qoıylyp otyr. Sondaı aq bıyl oblysta 442 muǵalim zeınetke shyǵady. Olardyń ornyna mamandardy qabyldaý maqsatynda júıeli jumystar atqarylýda. Elimizdegi tórt JOO-men kelissózder júrgizilýde. 
Aıta ketý kerek, búgin Almaty oblysynyń ákimine áleýmettik sala boıynsha atqarylatyn jumystardy, jańa jobalardy tanystyrdy.
