Almaty oblysynda 48 ýchaskede kóshkin qaýpi bar

QONAEV. QazAqparat - Almaty oblysynyń taýlarynda 17-21 aqpan aralyǵynda qar kóshkini qaýpi saqtalady. Bul týraly óńirdiń Tótenshe jaǵdaılar departamentinen málim etti, dep habarlaıdy QazAqparat tilshisi.

Kóshkin qaýpine baılanysty Almaty oblysynyń TJD turǵyndar men týrısterden qar jatqan taý betkeılerine shyqpaýǵa, taýda barlyq qaýipsizdik sharalaryn saqtaýǵa shaqyrdy.

«Almaty oblysynyń aýmaǵynda Іle-Alataý taýlarynyń ońtústik betkeıinde Eńbekshiqazaq, Talǵar jáne Qarasaı aýdandarynda 48 ýchaskede kóshkin qaýpi bar. Negizinen qar kóshkininiń túsýi temperatýra fonynyń joǵarylaýyna jáne jańbyr men qar túrinde mol jaýyn-shashynnyń túsýine baılanysty bolady»,- dep habarlady vedomstvoda.

Eske salaıyq, 15 aqpanda Tájikstanda qar kóshkini júrip, turǵyn úılerdi basyp qalǵan bolatyn. Apat saldarynan 15 adam qaza tapty.