Almaty oblysynda 48 mektep salynady
TALDYQORǴAN.QazAqparat - Bıylǵy jyly Almaty oblysynda bilim salasynyń 48 nysanynyń qurylysy júrgizilmek. Bir jylda bir salanyń ózinen osynshama nysandy salý - buryn-sońdy bolmaǵan kórsetkish. Bul bilim mekemeleriniń 39-y bıylǵy jyly iske qosylsa, 9-ynyń qurylysy kelesi jyly da jalǵasatyn bolady, dep habarlaıdy QazAqparat oblys əkiminiń baspasóz qyzmetine silteme jasap.
Jalpy 2017 jylǵa Almaty oblysynda 353 nysannyń qurylysy josparlanǵan. Onyń 70-i - áleýmettik baǵytta, atap aıtqanda bilim berý jáne densaýlyq saqtaý salasynyń nysandary, 35-i ınjenerlik ınfraqurylym nysany, 31-i veterınarlyq-profılaktıkalyq pýnkt. Sonymen qatar ishki ister organdarynyń 64 nysany jáne basqalary bar. Jalpy bıylǵy jyly bulardyń 288-in iske qosý josparlanyp otyr.
Bıylǵy jyly sport salasy da nazardan tys qalmaıdy. Jaqyn arada oblystyń eldi mekenderinde jańa dene shynyqtyrý-saýyqtyrý keshenderi, sporttyq alańdar jáne basqa da mańyzdy nysandar paıdalanýǵa berilmek.
