Almaty oblysynda 42 jastaǵy áıel kúıeýin óltirip aldy
TALDYQORǴAN. QazAqparat - Almaty oblysynda Talǵar qalasynyń turǵyny kúıeýin óltirdi dep aıyptalýda. 42 jastaǵy kúdikti áıel kinásin moıyndap otyr, dep habarlaıdy QazAqparat tilshisi.
Qandy oqıǵa 26 qazan kúni bolǵan. Erli-zaıyptylar ishimdik iship otyryp, baılanysyp qalǵan. Ashýǵa býlyqqan kelinshek kúıeýin oryndyqpen uryp, óltirgen.
«Qazir bul oryndyq iske aıǵaq zat retinde tirkeldi. Oqıǵa QR QK 106 baby 3-shi bóligi boıynsha is qozǵalyp, tergeý jumystary jalǵasýda», dedi oblystyq ІІD baspasóz qyzmeti.
Aıta ketý kerek, soqqy saldarynan kóz jumǵan 52 jastaǵy er azamattyń múrdesin jedel járdem qyzmetiniń mamandary tapqan. Qazirgi ýaqytta ustalǵan 42 jastaǵy azamatsha ýaqytsha tergeý abaqtysyna qamaldy.
