Almaty oblysynda 400 gektarlyq alma baǵy otyrǵyzylady
Bul týraly oblys ákimi Qanat Bozymbaev Úkimet otyrysynda aıtty.
«Jalpy quny 75 mlrd teńge bolatyn 47 ınvestıtsııalyq joba iske asyrylady. Atap aıtsaq, ımportty almastyrý aıasynda «Prımakovsk» kompanııasynyń jylyna 36 myń tonna et óndiretin qus fabrıkasy salynýda. Investıtsııa kólemi – 34 mlrd teńge. Bir myń gektarǵa qarqyndy baq salý boıynsha quny 33 mlrd teńgelik joba iske asyrylýda. Syıymdylyǵy 6000 tonna jemis saqtaý qoımasy salyndy. Sonymen qatar, bıyl 11,4 myń tonnalyq 4 jemis saqtaý nysanyn iske qosý kózdelgen. 34 mlrd teńgege jemis-jıdek klasteriniń ınfraqurylymy salynýda», - dedi oblys ákimi.
Onyń aıtýynsha, óńirde kókónis óndirisin damytýǵa baǵyttalǵan birneshe joba iske aspaq.
«Kókónisterdi jyl boıynda óndirýge kóshý úshin 407 gektarǵa ónerkásiptik jylyjaı iske qosylady. Osylaısha oblysta jylyjaı kókónisterin óndirý kólemi 35 myń tonnaǵa deıin jetkiziledi. Іshki naryqty almamen qamtamasyz etý maqsatynda oblysta 400 gektarǵa jańa jemis baǵy egiledi. Qaıta óńdeý óńdeý kásiporyndarynyń qýatyn barynsha júkteý úshin 15 bordaqylaý alańyn jáne 3 taýarly sút fermasyn qurýdy josparlap otyrmyz. Qabyldanǵan sharalar nátıjesinde bıyl 1,4 mln tonna astyq, 1 mln tonnadan astam kókónis jáne 742 myń tnna kartop jınaý josparlanýda. Sondaı-aq, et óndirisi 3,9 paıyzǵa, sút 2,5 paıyzǵa jáne jumyrtqa óndirisi 4,9 paıyzǵa ulǵaıady», -dedi Qanat Bozymbaev.