Almaty oblysynda 40-tan astam turǵyn qarjy pıramıdasynan zardap shekti
«Qarjy pıramıdasynyń negizgi belgileri mynadaı: uıymnyń beretin tabysy naryq deńgeıinen birneshe ese joǵary, buryn-sońdy bolmaǵan joǵary kiristi jarııa etetin agressıvti jarnama; basqa qatysýshylardyń salymynan jańa qatysýshylarǵa qarajat tóleý; uıymnyń naqty anyqtamasy joq; sizden pıramıdaǵa kirý aqysyn berýdi, jańa klıentterdi tartýdy suraıdy jáne taǵy basqalar», - delingen Almaty oblystyq prokýratýrasy taratqan habarlamada.
Oblystyq prokýratýra azamattardy kúmándi kásiporyndarǵa aqsha salmaý kerektigin eskertedi.
«Oblystyń 40-tan astam azamaty osy júıe boıynsha jábirlenýshi atandy. Olardyń sany artýy múmkin. Sebebi, barlyq jábirlenýshi ýaqytynda shaǵymdanbaıdy. Keıbireýleri múldem quqyq qorǵaý organdaryna júginbeıdi» delingen habarlamada.
Vedomstvonyń aqparatyna sáıkes, 2019 jyly qylmystyq qýdalaý organdary qarjy (ınvestıtsııalyq) pıramıdasyn qurý jáne basqarýǵa qatysty 8 sotqa deıingi tergeýp-tekserý materıalyn tirkedi. Bıyl da osyndaı faktiler anyqtalyp, quqyq qorǵaý organdary qarjy pıramıdasyn qurǵan adamdar tobyna qatysty tergeý júrgizip jatyr.