Almaty oblysynda 40-tan astam eldi mekendi sý basý qaýpi bar

TALDYQORǴAN. QazAqparat - Almaty oblysynda 40-tan astam eldi mekendi sý basý qaýpi bar, dep habarlaıdy QazAqparat tilshisi.

Almaty oblystyq Tótenshe jaǵdaılar departamenti baspasóz qyzmetiniń málimetinshe, óńirdiń taýly aımaqtarynda jaýǵan qar qalyńdyǵy 55 santımetrge jetken. Al eńiste 5-10 santımetr ǵana. Aldaǵy táýlikterde aýa raıy kúrt jylyp, qar aralas jańbyr jaýady dep kútilýde.

«Bul óz kezeginde aýyldarda erigen qar men jaýǵan jańbyr sýynyń jınalýyna sebepshi bolýy múmkin», - deıdi mamandar.

Sondaı-aq jaýyn-shashyn saldarynan ózender deńgeıi kóterilip, taýly aımaqta jylym júrýi yqtımal.

Tótenshe jaǵdaı qyzmetiniń ókilderi turǵyndarǵa aryqtardy tazalap, sýaǵarlaryn retke keltirýge keńes beredi.

Oblys aýmaǵynda «Kóktem-2022» oqý jattyǵýlary bastaldy.