Almaty oblysynda 40 myńǵa jýyq adam MÁMS júıesine tirkelmegen

TALDYQORǴAN. QazAqparat - Almaty oblysynda saqtandyrý júıesine 39 myń adam tirkelmegen. Bul jóninde oblystyq ákimshilikte ótken selektorlyq jıynda oblys ákiminiń orynbasary Batyrjan Baıjumanov málim etti, dep habarlaıdy QazAqparat.

Oblys ákiminiń birinshi orynbasary Lázzat Turlashov atalǵan máseleni sheshýge aýdan ákimderine bir aı merzim ýaqyt berdi.

Oblystyq Densaýlyq saqtaý basqarmasynyń basshysy Baýyrjan Ysqaqtyń aıtýynsha, medıtsınalyq saqtandyrý júıesine tirkelmegen azamattarǵa tek alǵashqy medıtsınalyq kómek kórsetiledi. Al MÁMS júıesine tirkelý arqyly árbir azamat tolyqqandy medıtsınalyq kómekke qol jetkizetin bolady.

Jınalysqa Áleýmettik medıtsınalyq saqtandyrý qorynyń basqarma tóraǵasynyń orynbasary Erik Baıjúnisov pen oblystyq basqarma, departamentter, qala jáne aýdan, okrýg ákimderi qatysty.

Aıta keterligi, Mindetti áleýmettik medıtsınalyq saqtandyrýdy engizýdiń maqsaty – memlekettiń, jumys berýshiler men azamattardyń ortaq qatysýyna negizdelgen medıtsınalyq kómek kórsetýdiń kepildikteri men mindettemelerin qamtamasyz etetin turaqty júıe qurý bolyp tabylady.