Almaty oblysynda 4 jyl buryn bir úıir jylqy urlaǵan barymtashy ustaldy
«Mal urlyǵy» jedel-aldyn alý is-sharasy barysynda Almaty oblysy Eńbekshiqazaq aýdany PB JPB qyzmetkerleri Aşybulaq aýylynyń 53 jastaǵy turǵynyn ustady. Ol usynylǵan dáleldermen áshkerelenip, 2017 jyldyń maýsym aıynda Eńbekshiqazaq aýdany Aşybulaq aýylynyń janyndaǵy jaıylymnan jylqy urlaǵanyn moıyndady. Kúdikti 73 jastaǵy jergilikti turǵynǵa tıesili jalpy somasy 1 050 000 teńgege baǵalanǵan bir jarym jastaǵy 7 jylqyny qoldy qylǵan. Onyń úıinen jylqynyń úsheýi tabylyp, ıesine qaıtaryldy. Qalǵan 4 jylqy mal bazarynda satylǵan.
«Osyǵan baılanysty ol 600 000 teńge somasyndaǵy aqshalaı qarajat túrindegi materıaldyq shyǵyndy óteýge kelisti. Jábirlenýshi polıtseılerge qylmysty ashqany úshin alǵys aıtty. Sotqa deıingi tergeý júrgizilýde, QR QІJK 201-babyna sáıkes ózge de aqparat jarııa etilmeıdi»,- delingen Almaty oblystyq Polıtsııa Departamenti baspasóz qyzmetiniń habarlamasynda.
