Almaty oblysynda 4 jasar qyz batýttyń kesirinen opat bola jazdady
TALDYQORǴAN. QazAqparat - Almaty oblysynda 4 jastaǵy qyz batýttyń kesirinen opat bola jazdady. Oqıǵa Panfılov aýdanynyń ortalyǵy Jarkent qalasynda bolǵan. Batýtta alańsyz oınap júrgen balanyń kenetten tesikke túsip ketken sáti beınejazbaǵa túsken, dep habarlaıdy QazAqparat tilshisi.
9 tamyz kúni keshki saǵat 20:00 shamasyndaǵy oqıǵa Jarkenttegi saıabaqtardyń birinde oryn alǵan. 4 jasar balanyń týysy áleýmettik jelige kenetten bolǵan jaǵdaı týraly jazyp, barlyq ata-analardy balalaryna barynsha abaı bolýǵa shaqyrǵan. Onyń jazbasynda 4 jasar jıeni batýttyń 2 metrdeı tereń tesigine túsip ketken. Vıdeo avtory ystyq aýaǵa toly tar jerden qarshadaı qyzdy áreń shyǵarǵanyn jazady.
Atalǵan oqıǵany Jarkenttegi prokýratýra qyzmeti rastady. Biraq kútpegen jaǵdaıǵa tap bolǵan balanyń ata-anasy eshbir quzyrly organǵa aryz jazbaǵanyn jetkizdi.
Illıýstratsııalyq foto
