Almaty oblysynda 4 oqýshyny qaqqan mas júrgizýshige qatysty sot bastaldy

TALDYQORǴAN. QazAqparat - Almaty oblysynda 4 oqýshyny qaqqan mas júrgizýshige qatysty sot bastaldy. Zardap shekken eki qyz bala aýrýhanada esin jımastan kóz jumǵan bolatyn, - dep habarlaıdy QazAqparat tilshisi.

Іs Eńbekshiqazaq aýdandyq sotynda qaralýda. Biraq kýágerlerdiń kelmeýine baılanysty protsess 20 mamyrǵa shegerildi. Aıta keteıik, kólikti mas kúıinde júrgizip, oqýshylardy qaqqan — Eńbekshiqazaq aýdanyndaǵy Qoram aýylynyń 54 jastaǵy turǵyny.

«Kýágerlerdi shaqyrtý úshin is 20 mamyrǵa shegerildi»,- dep málimdedi Almaty oblystyq sotynyń baspasóz qyzmetinen.

Esterińizge sala keteıik, 2 naýryz kúni Eńbekshiqazaq aýdanynyń Qoram aýylynda mas júrgizýshi sabaqtan qaıtyp kele jatqan 4 oqýshy qyzdy kóligimen qaǵyp ketti.

Oqıǵa bolǵannan keıin oqýshynyń biri jarty aıdan soń, ekinshisi bir aıdan keıin jansaqtaý bóliminde esin jımastan kóz jumdy.

Balalar 8-9 jasta bolatyn.