Almaty oblysynda 4 myńnan astam oqýshy Pfizer vaktsınasyn saldyrdy
Taldyqorǵan qalasyna 11 qarashada júkti jáne bala emizetin áıelder jáne jasóspirimder úshin 46 800 doza mólsherinde Pfizer vaktsınasynyń birinshi partııasy ákelindi.
«Búgingi kúni atalǵan vaktsınasynyń birinshi komponentin 12 men 18 jas aralyǵyndaǵy 4617 jasóspirim aldy»,- delingen Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.
Sondaı-aq eresek toptan laktatsııa kezeńindegi 762 áıel jáne júktilik kezinde 236 áıel atalǵan vaktsınany saldyrǵan.
«22 qarashada Almaty oblysynyń aýmaǵynda halyqty koronavırýstyq ınfektsııadan revaktsınatsııalaý kýrsy bastaldy. Revaktsınatsııa - COVID-19 vaktsınasynan keıin ımmýnıtetti saqtaýǵa baǵyttalǵan qaıta egý.
Revaktsınatsııanyń birinshi kezeńinen medıtsına qyzmetkerleri, pedagogtar, medıtsınalyq-áleýmettik mekemelerdiń qyzmetkerleri men kúshtik qurylymdardyń qyzmetkerleri jáne 60 jastan asqan adamdar ótedi.
Sondaı-aq, derbes tekserilgen jáne antıdenelerge zertteýdiń teris nátıjesi bar adamdarǵa revaktsınatsııa kýrsynan ótýge keńes beriledi»,- dep tolyqtyrdy atalǵan vedomstvonyń baspasóz qyzmetinen.
Búgingi kúni oblysta revaktsınatsııa kýrsynan 2624 adam ótti.
Onyń ishinde 2119 medıtsına qyzmetkerleri, 109 pedagog, 60 jastan asqan 54 adam jáne óz betinshe tekserilgen 318 adam revaktsınatsııalandy.
