Almaty oblysynda 4 myńnan asa adam karantın talabyn buzǵan
Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamaǵa sáıkes, oblysta «Ashyq» jobasyn 10 446 nysan qoldanady.
«Monıtorıng toby shaǵyn jáne orta bıznestiń 9092 sýbektisin qamtyp, qosymshanyń talaptaryn buzǵan 1208 nysandy «Ashyq» platformasynan shyǵardy. Tsıfrlyq damý, ınnovatsııalar jáne aeroǵarysh ónerkásibi mınıstrliginiń derekteri boıynsha 2021 jyldyń 10 maýsymy men 6 jeltoqsan aralyǵynda Almaty oblysy azamattarynyń arasynan sanıtarııalyq-karantındik rejımdi buzǵan 4042 turǵyn anyqtaldy. Onyń ishinde, «qyzyl» mártebesi bar - 3003 adam jáne «sary» mártebesi bar - 1039 adam tirkeldi»,- delingen vedomstvonyń habarlamasynda.
Baspasóz qyzmetiniń aqparaty boıynsha, «qyzyl» mártebesi bar tulǵalarǵa qatysty 7 875 880 teńge somasyna 178 aıyppul salyndy.
Sondaı-aq, «sary» mártebesi bar azamattarǵa qatysty úı karantınin saqtaý qajettiligi týraly talaptary bar 429 qaýly berildi.
