Almaty oblysynda 4 muǵalimnen koronavırýs tabyldy

TALDYQORǴAN. QazAqparat - Sońǵy táýlikte Almaty oblysynda 252 adamnan koronavırýs anyqtaldy. Іndet juqtyrǵandardyń tórteýi - muǵalim, dep habarlaıdy QazAqparat tilshisi.

Sońǵy táýlikte KVI indetiniń 252 jaǵdaıy tirkeldi. Ósý qarqyny – 0,5%, onyń ishinde 234 - sımptomdyq jáne 18 - sımptomsyz jaǵdaı.

KVI anyqtalǵan 252 jaǵdaıdyń 45-i 14 jasqa deıingi balalar, stýdentter arasynda 7 jaǵdaı jáne muǵalimder arasynda 4 jaǵdaı anyqtalǵan.

Sońǵy aptada eń joǵary ósý qarqyny Alakól – 10,8%, Eńbekshiqazaq – 0,7%, Qarasaı – 0,7%, Raıymbek – 1,0%, Sarqan – 0,9%, Uıǵyr – 0,7% aýdandarynda jáne Taldyqorǵan qalasynda – 0,7% baıqaldy.

«Oblystaǵy aýdandardyń ishinde koronavırýs Balqash aýdanynda úsh adamnan, Eńbekshiqazaq-29, Eskeldi–7, jambyl–6, Іle-18, Qarasaı-25, Qaratal-11, Kerbulaq-8, Kóksý-5, Raıymbek-2, Panfılov–11, Sarqan-9, Talǵar–18, Uıǵyr–6, Taldyqorǵan–82, Tekeli-9, Qapshaǵaı qalasy-3 anyqtaldy»,- delingen Almaty oblystyq sanıtarııalyq epıdemıologııalyq baqylaý departamentiniń baspasóz qyzmeti taratqan habarlamada.

Jalpy Almaty oblysynda KVI zerthanalyq rastalǵan 48 070 jaǵdaı tirkelgen. Onyń ishinde 34 723 sımptom belgileri bar.

Oblys boıynsha koronavırýstyń ósý qarqyny sońǵy 2 aptada 0,7%-dan 0,6% deıin tómendedi.