Almaty oblysynda 4 adamdy myltyqpen atyp óltirdi degen kúdikti ustaldy
«Almaty oblysynda halyqaralyq izdeýde júrgen kúdikti ustaldy. Oqıǵa 2020 jyldyń 7-aqpanynda Jambyl oblysynyń Qordaı aýdanyna qarasty Masanshy aýylynda bolǵan. Bir top adam ańshy myltyǵymen tórt adamdy óltirgen. Qarý tárkilendi»,- dep málimdedi onlaın-brıfıngte Іshki ister mınıstrliginiń Basqarma basshysynyń orynbasary Dáýren Qozybaqov.
Onyń sózinshe, taǵy bir adam óltirýge qatysty degen kúdikpen Taraz qalasynda ustalǵan. Sonymen qatar, D.Qozybaqov Almaty jáne Almaty oblysyndaǵy 6 turǵynnyń qolǵa túskenin jetkizdi.
Іshki ister mınıstrliginiń málimetinshe, olar jappaı tártipsizdikke qatysyp, armatýra berip, áskerı qyzmetkerkerge qarsylyq kórsetken.
Esterińizge sala keteıik, Almaty oblysynda ýaqytsha jáne tergeý ızolıatorynan 33 adam, onyń ishinde 8 kámeletke tolmaǵan jasóspirim bosatylyp, qolhatpen ata-analaryna jiberilgen bolatyn.