Almaty oblysynda 4,1 baldyq jer silkinisi boldy
ASTANA. QazAqparat - Almaty oblysynda 4,1 baldyq jer silkinisi boldy, dep habarlaıdy QazAqaparat some.kz saıtyna silteme jasap.
Jer silkinisin «QR Bilim jáne ǵylym mınıstrligi Ǵylym komıteti Seısmologııalyq tájirıbe-ádistemelik ekspedıtsııasy» MM seısmıkalyq stansalar jelisi Almaty ýaqytymen 11 jeltoqsan kúni 16 saǵat 13 mınýt 52 sekýndta tirkedi.
Onyń aqparaty boıynsha, zilzala oshaǵy Almaty qalasynan soltústik-shyǵysqa qaraı 258 shaqyrym qashyqtyqta Qazaqstan aýmaǵynda - Almaty oblysynda bolǵan. Tereńdigi - 25 shaqyrym. Jer silkinisiniń energetıkalyq sanaty - 9.1. Magnıtýdasy - 4.1.
