Almaty oblysynda 37 nysan «Ashyq» jobasynan shyǵaryldy
TALDYQORǴAN. QazAqparat - Almaty oblysynda «Ashyq» jobasynyń 37 qatysýshysy nysanda kelýshilerdiń tirkelmeýine baılanysty jobadan shyǵaryldy. Jalpy óńir boıynsha 893 nysan «Ashyq» aıasynda qyzmetin jalǵastyrýda,- dep habarlaıdy QazAqparat tilshisi.
Oblystyq kásipkerler palatasynyń dırektory Áset Shaıahmetovtyń aıtýynsha, 806 nysan «Ashyq» jobasynyń qatysýshy bolyp tabylady, taǵy 87 nysan synaq rejıminde jumys isteıdi.
«Ashyq» jobasy iske qosylǵan ýaqyttan bastap nysanda kelýshilerdi tirkeý sany boıynsha 9 kóshbasshy-qatysýshy anyqtaldy. Olarǵa «Ashyq» kóshbasshylary» mártebesi berildi. Jobanyń 37 qatysýshysy jergilikti atqarýshy organnyń haty negizinde nóldik kórsetkishteri sebebinen jobadan shyǵaryldy. Atalǵan nysandarda QR-kod boıynsha kelýshilerdi tirkemeý faktileri anyqtalǵan. Jobanyń kóshbasshylary men aýtsaıderleriniń tizimi oblys ákimdiginiń saıtynda jarııalanǵan», - dedi Áset Shaıahmetov.
Aıta ketý kerek, qazir «Ashyq» jobasy boıynsha jumys isteıtin nysandarǵa kelýshiler tek «Ashyq» qosymshasyn ǵana emes, Aitu, Egov mobile, Kaspi.kz, Halyk Homebank, Sberbank.kz platformalaryn da paıdalana alady.
