Almaty oblysynda 35 oqýshynyń ýlanǵandyǵy rastalmady
TALDYQORǴAN.QazAqparat - Almaty oblysyndaǵy Dostyq aýylynda 35 oqýshynyń ýlanǵandyǵy rastalmady, dep habarlaıdy QazAqparat tilshisi.
«19 qazanda aýrýhanaǵa ishi aýyryp bes oqýshy túsken. Olarǵa barlyq medıtsınalyq kómek kórsetildi. Osy jaıttan keıin 22 oqýshynyń analızi alyndy. Onyń qorytyndysyna sáıkes, ýlaný faktisi rastalǵan joq», - dedi Almaty oblysy ákiminiń baspasóz hatshysy Ǵalymurat Júkel.
Aıta ketý kerek, áleýmettik jelide Alakól aýdanyna qarasty Dostyq aýylynda 35 oqýshynyń ýlanǵandyǵy jóninde aqparat taraǵan bolatyn. Atalǵan jaıt rastalmady.
