Almaty oblysynda 34 myńnan astam bala kezekshi synyptarda oqıdy
TALDYQORǴAN. QazAqparat - Almaty oblysynda oqýshylardyń 8 paıyzy, 34 792 bastaýysh synyp oqýshysy ata-analardyń ótinishi boıynsha 5214 kezekshi synypta bilim alady, dep habarlaıdy QazAqparat tilshisi.
«Shtattyq rejımde bilim beretin mektepterde qatań sanıtarlyq talaptar saqtalady. Kire beristerde zalalsyzdandyrý tósenishteri, teplovızor, sanıtaızer jáne jeke qorǵaný quraldarymen qamtamasyz etiledi. Bul maqsatqa 226,9 mln teńge qarastylyrǵan», - dedi Almaty oblysynyń ákimi Amandyq Batalov bilim máselesine qatysty ótken jıynda.
Óńir basshysynyń sózinshe, bıyl Almaty oblysnyń oqýshylary tórt baǵyt boıynsha bilim alady. ıAǵnı, 426 myńnan asa oqýshysy bar Jetisý óńirinde 300 myńǵa jýyq oqýshy birinshi baǵyt - ınternet arqyly bilim alady. Demek, atalǵan oqýshylardyń 70 paıyzyna qashyqtan bilim beriledi. Al 20 paıyzy demek, 85 myńǵa jýyq oqýshy bıyl ekinshi baǵyt - telearna arqyly oqıtyn bolady. Úshinshi baǵyt boıynsha shalǵaıdaǵy 138 shaǵyn mekteptiń 7 500-den asa oqýshysy mektepterine baryp oqıdy.
«Úshinshi, shalǵaıdaǵy eldi mekeederdegi shaǵyn jınaqtalǵan 138 mektepte sanıtarlyq talaptarǵa sáıkes, eki aýysymda (15 baladan) 7721 nemese 2% oqýshy shtattyq rejımde oqıdy. Tórtinshi baǵyt boıynsha: ol bastaýysh synyp oqýshylary ata-analardyń ótinishi negizinde boljammen 5214 kezekshi synypta 34 792, ıaǵnı (8 paıyz) bala bilim alady. Birinshi synypqa baratyn balalardyń ata-analary balalarymyz mektepke baryp, bilim alsynshy degen ótinishiniń negizinde osyndaı sheshim qabyldandy», - dedi Amandyq Batalov.
