Almaty oblysynda 33 oqýshy oramalyn sheshti

TALDYQORǴAN.QazAqparat - Almaty oblysynda mektepke ormal taǵyp, hıdjab kıetin oqýshylarmen tıisti jumystar júrgizile bastady. Búgingi kúni 33 oqýshy oramalyn sheshti. Qazir óńirde hıdjab máselesine baılanysty bilim basqarmasy prokýratýra jáne dintanýshy qyzmetkerlerimen birlesip ata-analar arasynda túsindirý jumystaryn júrgizip jatyr, dep habarlaıdy QazAqparat tilshisi.

Mundaı sharalar óńirdiń Eńbekshiqazaq, Talǵar, Jambyl, Іle aýdandary men Taldyqorǵan qalasyndaǵy bilim shańyraqtarynda júrgizildi. Oblystyq bilim basqarmasy basshysynyń orynbasary Jańyl Súleımenova oqýshynyń oramal taǵyp kelýi bilim berý zańnamalaryna, mekteptiń ishki talaptaryna qaıshy ekenin jetkizdi. Prokýratýra ókilderi ata-ana quqyqtarynan qulaǵdar etip, psıhologtar oramal oqýshylardy eki jaqqa bólip, ózara psıhologııalyq kedergi keltiretinin túsindirdi.

Nátıjesinde Eńbekshiqazaq aýdanyndaǵy «Rahat» orta mektebinde bir úıdiń eki oqýshysy mektepke budan bylaı hıdjabsyz keletin boldy. Jambyl aýdanyndaǵy Qarǵaly aýylyndaǵy №45 mekteptiń ata-anasy da mamandardyń túsindirý jumystaryn qoldap, Sátbek Kenjebekovtyń eki qyzy oramal taqpaıtyn boldy.

«Bul jerde ata-analardyń da qoǵamdaǵy jaǵdaıǵa, mektep tártibine túsine qaraı bastaǵanyn atap ótý kerek», dedi oblystyq bilim basqarmasy basshysynyń orynbasary J. Súleımenova.

Mundaı jumystar aldaǵy ýaqytta óńirdiń basqa aýdandarynda da jalǵasatyn bolady.

Basty foto:www.focus.de