Almaty oblysynda 33 myńnan astam pedagog vaktsına saldyrǵan
TALDYQORǴAN. QazAqparat - Almaty oblysynda pedagogtar vaktsına saldyrýdan kósh bastap tur. Búgingi kúni ekpeniń І komponentin 33 myńnan asa adam saldyrǵan. Al jalpy óńirde ustazdardyń sany 40 myńnan asady, dep habarlaıdy QazAqparat tilshisi.
Almaty oblystyq Sanıtarııalyq-epıdemıologııalyq baqylaý departamentiniń baspasóz qyzmeti taratqan aqparatqa sáıkes, qazir óńirde 185 760 adam ekpe saldyrǵan.
«І komponentnpen 185 760 adam egildi. Onyń ishinde 21 093 medıtsına qyzmetkeri, pedagogtar – 33 128, ýchaskelik polıtsııa qyzmetkerleri – 1556, stýdentter – 2089, medıtsınalyq- áleýmettik mekemeler kontıngentteri – 909, kúsh qurylymdarynyń qyzmetkerleri – 14 703, memlekettik qyzmetkerler – 5478, sozylmaly aýrýlary bar adamdar – 5243, basqa turǵyndar – 101 561.
ІІ komponentpen 73 751 turǵyn vaktsınatsııalandy. Onyń ishinde 15 276 medıtsına qyzmetkeri, 18 728 – pedagog, 870 ýchaskelik polıtsııa qyzmetkeri, 738 – stýdentter, 365 – medıtsınalyq- áleýmettik mekemeler kontıngentteri, 4451 – kúsh qurylymdarynyń qyzmetkeri, 2127 – Memlekettik qyzmetkerler, sozylmaly aýrýlary bar – 1365 adam jáne 29 831 – basqa tulǵalar. Vaktsınatsııadan keıingi reaktsııalar men asqynýlar tirkelgen joq»,- delingen vedomstvonyń habarlamasynda.
